Лінкі ўнівэрсальнага доступу

9,5 тысячаў сьведкаў і адзін асуджаны — што вядома пра «Справу Майдану»


Скрыншот зь відэа hromadske.ua
Скрыншот зь відэа hromadske.ua

Разгон студэнтаў на Майдане 30 лістапада 2013. Расстрэл мітынгоўцаў на вуліцы Інстытуцкай 20 лютага 2014. Забойства Сяргея Нігаяна, Міхася Жызьнеўскага, Рамана Сеніка, выкраданьне Ігара Луцэнкі і выкраданьне і забойства Юрыя Вярбіцкага 22 студзеня 2014 — гэта рэзанансныя справы Майдану. Ёсьць больш за восем дзесяткаў іншых эпізодаў. Усе яны ўмоўна аб’яднаныя ў адну вялікую «Справу Майдану», а расьсьледуе яе адзіны сьледчы цэнтар, дэпартамэнт спэцыяльных расьсьледаваньняў Украіны.

Аб маштабах «Справы Майдану» больш гавораць лічбы. Калі паглядзець толькі на некаторыя зь іх, у прыватнасьці, на колькасьць сьведак, становіцца зразумела, што да фіналу яшчэ далёка. У «Справе Майдану» іх 9500.

Пракуроры кажуць, што суды па справах Майдану могуць працягвацца яшчэ ня менш за два гады. На тое, каб прыцягнуць да адказнасьці не выканаўцаў, а тых, хто аддаваў злачынныя загады — экс-чыноўнікаў, трэба яшчэ больш часу.

«Справа Майдану» налічвае 89 крымінальных справаў:

— У іх расьсьледуюць забойства 91 чалавека (78 мітынгоўцаў і 13 сілавікоў).

— Пацярпелымі зьяўляюцца 1973 удзельнікаў акцый пратэсту і каля 900 сілавікоў.

— У справе прыкладна 9500 сьведак і 193 падазраваных. Зь іх у вышуку — 77.

— 30 спраў ужо разглядаюцца ў судах. За тры гады вынесеныя 9 прысудаў, але толькі адзін чалавек адбывае пакараньне ў калёніі. Астатнія маюць умоўны тэрмін.

— 13 чалавек чакаюць пачатку разгляду судовай справы або прысудаў.

— На дадзены момант 35 сьледчых расьсьледуюць усе крымінальныя справы.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG