Лінкі ўнівэрсальнага доступу

logo-print

Вызвалены былы афіцэр ФСБ Расеі будзе працаваць у прэсавым цэнтры СБУ


Ільля Багданаў

Ільля Багданаў

Былы афіцэр Фэдэральнай службы бясьпекі Расеі Ільля Багданаў, які ў 2014 годзе перайшоў на бок Украіны і ваяваў у добраахвотніцкім батальёне «Данбас», будзе працаваць у прэсавым цэнтры Службы бясьпекі Ўкраіны. Пра гэта сам Багданаў напісаў на сваёй старонцы у Facebook.

18 лістапада Служба бясьпекі, Генэральная пракуратура і Нацыянальная паліцыя Ўкраіны паведамілі, што ў часе супольнай адмысловай апэрацыі затрымалі трох грамадзян Украіны, якія на замову Фэдэральнай службы бясьпекі Расеі выкралі, спрабавалі вывезьці ў Расею і забіць грамадзяніна Ўкраіны, былога расейскага афіцэра Ільлю Багданава.

Сярод затрыманых і дэпутат Харкаўскай абласной рады Ўладзімер Разсоха.

Паводле спэцслужбаў, арганізацыяй выкраданьня Ільлі Багданава на тэрыторыі Ўкраіны займалася Галоўнае ўпраўленьне выведкі Расеі, а перадачай на тэрыторыю Расеі — ФСБ. Былога афіцэра ФСБ выкралі ў Кіеве і спрабавалі перамясьціць у Расею на мяжы ў Харкаўскай вобласьці.

Ільля Багданаў ваяваў у складзе батальёну «Данбас», у 2014 годзе афіцыйна адмовіўся ад расейскага грамадзянства і зьвярнуўся з заяваю пра атрыманьне грамадзянства Ўкраіны. У Расеі супраць яго адкрылі крымінальную справу за дзяржаўную здраду.

Пасьля атрыманьня ўкраінскага грамадзянства Ільля Багданаў заяўляў, што расейскія спэцслужбы тройчы рыхтавалі апэрацыі па яго фізычным зьнішчэньні. Летась паводле падазрэньня ў падрыхтоўцы забойства былога расейскага афіцэра Служба бясьпекі Ўкраіны затрымала жыхара Данбасу, які па выніках расьсьледаваньня быў асуджаны да 8,5 гадоў пазбаўленьня волі.

Паказаць камэнтары

XS
SM
MD
LG