Лінкі ўнівэрсальнага доступу

Трамп заплаціць $25 млн студэнтам яго ўнівэрсытэту, якім абяцаў адкрыць «сакрэты ў сфэры нерухомасьці»


Дональд Трамп, архіўнае фота

Дональд Трамп, архіўнае фота

Абраны прэзыдэнтам ЗША Дональд Трамп пагадзіўся заплаціць 25 млн даляраў, каб улагодзіць судовыя спрэчкі, зьвязаныя зь дзейнасьцю Ўнівэрсытэту Трампа.

Пра гэта паведамляе BBC са спасылкай на генэральнага пракурора Нью-Ёрку.

Трое былых студэнтаў гэтай навучальнай установы ў Каліфорніі і Нью-Ёрку падалі пазовы супраць Трампа, абвінаваціўшы яго ў махлярстве.

Паводле іх словаў, яны заплацілі па 35 тысяч даляраў за курсы лекцый аб «сакрэтах у сфэры нерухомасьці» ад «высакаклясных выкладчыкаў».

Суд па адной са справаў павінен быў пачацца 28 лістапада ў Сан-Дыега, нягледзячы на намаганьні адвакатаў Трампа ўрэгуляваць справу ў дасудовым парадку.

«Ахвяры Ўнівэрсытэту Трампа чакалі сёньняшняга выніку гадамі, і я рады, што іх цярпеньне і настойлівасьць будуць узнагароджаныя гэтым пагадненьнем пра выплату 25 млн даляраў», — заявіў генэральны пракурор Нью-Ёрку Эрык Шнайдэрман.

Раней Шнайдэрман назваў працу Ўнівэрсытэту Трампа «махлярствам ад пачатку да канца», дадаўшы, што навучальная ўстанова раскідвалася пустымі абяцаньнямі, каб зарабіць на людзях.

Паказаць камэнтары

XS
SM
MD
LG