Лінкі ўнівэрсальнага доступу

Суд над 11 ашмянскімі мытнікамі. Хроніка першага дня

У судзе Партызанскага раёну Менску 18 лістапада пачаўся суд над групай ашмянскіх мытнікаў, якіх вінавацяць у хабары.


На лаве падсудных мытнікаў толькі 5, Алесь Юркойць сярод іх (з барадой). Яшчэ 6 мытнікаў знаходзяцца ў залі — ім была зьмененая мера стрыманьня.

На лаве падсудных мытнікаў толькі 5, Алесь Юркойць сярод іх (з барадой). Яшчэ 6 мытнікаў знаходзяцца ў залі — ім была зьмененая мера стрыманьня.

Коратка

У Партызанскім судзе сталіцы 18 лістапада пачаўся працэс над 11 супрацоўнікамі Ашмянскай мытні, якіх абвінавачваюць у атрыманьні хабару ў вялікім памеры ў складзе арганізаванай групоўкі.

Цягам першага дня працэсу зачытвалася абвінаваўчае заключэньне, у якім фігуруюць больш за 50 мытнікаў.

Паводле сьледзтва, агулам за 5 гадоў злачыннай дзейнасьці яны атрымалі хабару на 850 тысяч даляраў. Але ня ў роўных частках: кіраўнікі мытні — па некалькі дзясяткаў тысяч даляраў хабару, шарагоўцы — па некалькі тысяч.

Ня ўсе з абвінавачаных прызналі сваю віну. Назіральнікі за працэсам у Партызанскім судзе мяркуюць, што 6 мытнікаў, якія не знаходзяцца пад вартай, часткова ці цалкам прызнаюць віну, а 5 падсудных, якія знаходзяцца пад вартай, адмаўляюцца, што атрымлівалі хабар.

Гэтак, не прызнаюць віны мытнікі Алесь Юркойць і Тадэвуш Высоцкі. Але ў судзе яшчэ не дапытвалі падсудных, і стаўленьне ўсіх мытнікаў да абвінавачаньня стане вядомым толькі на наступным тыдні.

Адначасова праходзяць працэсы над ашмянскімі мытнікамі таксама ў Кастрычніцкім, Фрунзенскім раённых і Менскім абласным судзе.

16:50 18.11.2016

Упершыню прагучала імя Алеся Юркойця як чальца арганізаванай злачыннай групы, якая дзейнічала на Ашмянскай мытні ў пэрыяд з 2010-га па 2015 гады. Усяго прагучала больш за 50 прозьвішчаў. Арганізатарамі пракурор назваў Букеля, Высоцкага і Срумянца.

Абвешчаны перапынак да панядзелка 21 лістапада.

Да журналістаў падышла жанчына з залі і папрасіла зрабіць удакладненьне: у матэрыялах гэтай справы фігуруе інспэктар Тадэвуш Высоцкі, але гэта не арганізатар «злачыннай групоўкі».

Той, гэта Ігар Высоцкі, начальнік аддзелу. Пра Ігара Высоцкага і ішла гаворка ў абвінавачаньні як пра арганізатара. Але яго няма ў гэтым судзе. А Тадэвуш Высоцкі — адзін з шараговых мытнікаў. Пра яго яшчэ ў абвінавачаньні не гаварылася.

16:24 18.11.2016

Абвінавачаньне лічыць, што Бабровіч таксама вінаваты паводле 430-га артыкулу Крымінальнага кодэксу — у атрыманьні хабару ў асабліва вялікім памеры ў складзе арганізаванай злачыннай групы.

16:14 18.11.2016

Згадваюць пра мытніка Яўгена Бабровіча, які атрымаў агулам больш за 7 тысяч даляраў. Браў хабар па 200–250 даляраў з машыны, афармляў аўтамабілі на загад Мароз (яе судзяць у Кастрычніцкім судзе Менску). Ідзе пералік выпадкаў за 2014 год.

Фірма, якая перамяшчала грузы, называецца «Балтыйскі падарунак». Яшчэ назвалі фірму «Каліпса». Тут бралі па 100 даляраў.

Яшчэ часта гучыць сума хабару ў 210 даляраў.

15:58 18.11.2016

Пасьля перапынку галасы пракурораў гучаць мацней. На стале, дзе сядзяць абвінаваўцы, зьявіліся гукавыя калёнкі. Вось толькі адзін з пракурораў вымаўляе вельмі хутка і зьядае канчаткі словаў, таму ўсё роўна мала што можна разабраць.

Загрузіць яшчэ

Паказаць камэнтары

XS
SM
MD
LG