Лінкі ўнівэрсальнага доступу

У ЭЗ зрабілі яшчэ адзін крок да бязьвізавага рэжыму для Украіны


Паслы краін-чальцоў Эўрапейскага зьвязу ўхвалілі пачатак перамоваў Рады ЭЗ з Эўрапейскім парлямэнтам па візавай лібэралізацыі для Украіны.

Але гэтае рашэньне толькі чарговы фармальны крок на шляху да ўласна атрыманьня бязьвізавага рэжыму для кароткатэрміновых паездак у краіны «шэнгенскай зоны». Рашэньне аб бязьвізавым рэжыме ня будзе прынята да таго часу, пакуль у ЭЗ ня прыйдуць да згоды адносна мэханізму спыненьня бязьвізавага рэжыму для ўсіх краін, якія ўжо атрымалі яго і могуць атрымаць у будучыні.

Пры гэтым у ЭЗ пацьвярджаюць, што Ўкраіна выканала ўсе вылучаныя ёй умовы і крытэрыі для атрыманьня бязьвізавага рэжыму, і кажуць пра неабходнасьць для ЭЗ цяпер выканаць сваё абавязацельства перад Кіевам аб прадстаўленьні гэтага рэжыму, але канкрэтных дат стараюцца не называць.

У Кіеве ўсё яшчэ спадзяюцца, што рашэньне аб візавай лібэралізацыі для Украіны будзе прынята да 24 лістапада, калі павінен адбыцца саміт «Украіна — Эўразьвяз». У такім выпадку, як лічаць, бязьвізавы рэжым мог бы фактычна быць уведзены з пачатку 2017 года ці, прынамсі, у першай чвэрці наступнага года.

Паказаць камэнтары

XS
SM
MD
LG