Лінкі ўнівэрсальнага доступу

logo-print

Крычалка фанатаў «Дынама» прызнаная экстрэмісцкім тэкстам


Пра гэта 16 лістапада паведаміў сайт belultras.by.

«Набыло моц рашэньне суда Цэнтральнага раёну Менску аб прызнаньні экстрэмісцкім тэксту песьні, якую выконвалі фанаты менскага „Дынама“ і іншых клюбаў», — гаворыцца ў прэс-рэлізе.

Гутарка вядзецца пра крычалку на матыў савецкай дзіцячай песьні «Вместе весело шагать». Гэта першы выпадак у практыцы барацьбы з футбольнымі фанатамі, заснаваны на Законе «Аб супрацьдзеяньні экстрэмізму» і экспэртным заключэньні Рэспубліканскай экспэртнай камісіі па ацэнцы інфармацыйнай прадукцыі на прадмет наяўнасьці (адсутнасьці) ў ёй прыкмет экстрэмізму. Непрымальным суд палічыў тое, што крычалка ўтрымлівае «нацысцкія алюзіі». Напрыклад, «и деревни поджигать лучше ротой...», «Раз убийство, два убийство — демократия. Мы динамовские фанаты — мы каратели!», — сьпяваецца ў ёй.

Крычалка будзе ўнесеная ў Рэспубліканскі сьпіс экстрэмісцкіх матэрыялаў. Парушальнікаў пакараюць згодна з артыкулам 17.11 Кодэксу аб адміністрацыйных правапарушэньнях.

Паказаць камэнтары

XS
SM
MD
LG