Як патлумачыў старшыня камітэту Палаты прадстаўнікоў па зьнешнепалітычных справах рэспубліканец Эд Ройс, асноўнымі аб’ектамі законапраекту зьяўляюцца Расея і Іран. «Мы атрымалі сумны ўрок людзкіх пакутаў... Нават ААН называе тое, што адбываецца, злачынствам гістарычных маштабаў», — заявіў Ройс.
Прапанаваныя санкцыі накіраваныя супраць дзяржаў і кампаніяў, якія ажыцьцяўляюць фінансаваньне сырыйскага ўраду, якія пастаўляюць у Сырыю пасажырскія і грузавыя самалёты або якія маюць сувязі з энэргетычнай, транспартнай і тэлекамунікацыйнай галінамі прамысловасьці. Дзеяньне санкцыяў, згодна з законапраектам, можа быць прыпыненае ў выпадку посьпеху міжнародных перамоваў па палітычным вырашэньні канфлікту і спыненьні гвалту ў дачыненьні да мірнага насельніцтва.
Да нядаўняга часу адміністрацыя Барака Абамы выступала супраць законапраекту, баючыся, што ён можа падарваць сырыйскія мірныя перамовы, якія вяліся пад патранажам ЗША і Расеі, новыя санкцыі могуць таксама выклікаць незадаволенасьць Ірану і даць яму падставу адступіць ад выкананьня абавязацельстваў, зьвязаных з замарожваньнем ягонай ядзернай праграмы.
Між тым, у аўторак прадстаўнік Дзярждэпартамэнту рашуча асудзіла аднаўленьне расейскіх і сырыйскіх паветраных нападаў у Сырыі, заявіўшы, што, паводле апошніх дадзеных, сярод аб’ектаў нападаў — 5 бальніц і перасоўная клініка.