Лінкі ўнівэрсальнага доступу

У Кіеве зьнік былы афіцэр ФСБ Расеі, які ў 2014 годзе перайшоў на бок Украіны


Кіеўскае гарадзкое ўпраўленьне Нацыянальнай паліцыі Ўкраіны адкрыла крымінальную справу ў сувязі са зьнікненьнем былога афіцэра Фэдэральнай службы бясьпекі Расеі Ільлі Багданава, які ў 2014 годзе перайшоў на бок Украіны.

Супрацоўнікі паліцыі праводзяць вышук на падставе звароту сяброў ды знаёмых Ільлі Багданава. Яны паведамілі, што ў апошні раз размаўлялі зь ім 12 лістапада, але ад таго моманту на сувязь ён не выходзіць і ягонае месцазнаходжаньне — невядома.

Паліцыя таксама просіць грамадзян дапамагчы ў пошуку Ільлі Багданава.

Ільля Багданаў ваяваў у складзе батальёну «Данбас», у 2014 годзе афіцыйна адмовіўся ад расейскага грамадзянства і зьвярнуўся з заяваю пра атрыманьне грамадзянства Ўкраіны. У Расеі супраць яго адкрылі крымінальную справу за дзяржаўную здраду.

Пасьля атрыманьня ўкраінскага грамадзянства Ільля Багданаў заяўляў, што расейскія спэцслужбы тройчы рыхтавалі апэрацыі па яго фізычным зьнішчэньні. Пазьней, паводле падазрэньня ў падрыхтоўцы забойства былога расейскага афіцэра, Служба бясьпекі Ўкраіны затрымала жыхара Данбасу, які па выніках расьсьледаваньня быў асуджаны да 8,5 гадоў пазбаўленьня волі.

Паказаць камэнтары

XS
SM
MD
LG