Пра гэта паведаміў міністар замежных спраў Беларусі Ўладзімер Макей, перадае БЕЛТА.
«У бліжэйшы час прэзыдэнт наведае Маскву, дзе адбудуцца перамовы з прэзыдэнтам Расеі Ўладзімірам Пуціным. У канцы месяца плянуецца візыт у Азэрбайджан», — сказаў міністар.
Тэма перамоваў Лукашэнкі і Пуціна не ўдакладняецца. Таксама Макей не назваў канкрэтную дату візыту ў Маскву.
Макей падкрэсьліў важнасьць учорашняга візыту Рэджэпа Тайіпа Эрдагана, які, паводле яго слоў, «зьяўляецца сурʼёзным сыгналам і для палітычных элітаў, і бізнэс-супольнасьці Турэччыны».
Уладзімер Макей дадаў, што ў пачатку наступнага году ў Менску плянуецца правесьці пасяджэньне беларуска-турэцкай міжурадавай камісіі, якая выпрацуе дарожную мапу разьвіцьця двухбаковых адносінаў.
