Раніцай у афіцыйных урачыстасьцях прыняў удзел прэзыдэнт Анджэй Дуда. Ён узяў удзел у імшы ў Сьвятыні Божага Провіду. Гэты касьцёл у польскай сталіцы пачалі будаваць у 1791 годзе і завершылі напярэдадні. Сёньня ў ім упершыню адбылася імша.
З нагоды дзяржаўнага сьвята многія афіцыйныя будынкі ў краіне асьветленыя колерамі нацыянальнага сьцяга.
На цэнтральных вуліцах Варшавы адбыўся «Прабег незалежнасьці».
Паводле падлікаў паліцыі, найбуйнейшай акцыяй была дэманстрацыя нацыяналістаў. У ёй прынялі ўдзел каля 75 тысяч чалавек.
Асобным шэсьцем па Варшаве прайшліся апанэнты сёньняшняга ўраду — Камітэт абароны дэмакратыі. У іх мерапрыемстве ўдзельнічала каля 10 тысяч чалавек.
Марш антыфашыстаў сабраў каля 1000 чалавек.