Лінкі ўнівэрсальнага доступу

Абраны прэзыдэнтам ЗША Дональд Трамп 10 лістапада зробіць візыт у Белы дом. Яго запрасіў цяперашні прэзыдэнт ЗША Барак Абама.

Празь некалькі гадзін пасьля абвяшчэньня вынікаў выбараў і перамогі Трампа Абама паабяцаў правесьці плаўны пераход улады, нягледзячы на «значныя адрозьненьні» ў поглядах.

«Адну рэч вы хутка зразумееце — заявіў Абама, зьвяртаючыся па тэлебачаньні да Трампа. — Патрабаваньні, якія прад’яўляюцца да працы прэзыдэнта або віцэ-прэзыдэнта, часьцяком перавышаюць магчымасьці кожнага з нас».

Абама таксама зьвярнуўся да сваіх прыхільнікаў і прыхільнікаў Гілары Клінтан, якія галасавалі супраць Трампа і да гэтага часу не прынялі яго перамогі ды тысячамі выходзяць на вуліцы, каб выказаць свой пратэст.

«Мы насамрэч усё ў адной камандзе — заявіў Абама. — Мы не дэмакраты ў першую чаргу. Мы не рэспубліканцы ў першую чаргу. Мы амэрыканцы ў першую чаргу. Мы патрыёты ў першую чаргу».

Трамп будзе прыведзены да прысягі 20 студзеня, каб пераняць кіраваньне ад Абамы, які завяршае свой другі чатырохгадовы тэрмін на пасадзе прэзыдэнта ЗША.

Ваша меркаваньне

Паказаць камэнтары

XS
SM
MD
LG