Паводле дадзеных сьледзтва, менавіта ён аддаваў загады пра выбухі і напады ў лістападзе 2015 году ў Парыжы і ў сакавіку 2016 году ў Брусэлі.
Як паведамляе француская газэта Le Monde, Усама Атар падазраецца ў вярбоўцы двух ірацкіх сьмяротнікаў, якія прывялі ў дзеяньне выбуховыя прылады каля Стадыёна Францыі ў парыскім прыгарадзе Сэн-Дэні 13 лістапада 2015 году. Ахвярамі тэрактаў у Парыжы тады сталі 130 чалавек.
Сьледзтва мяркуе таксама, што менавіта Атару тэрарысты прадставілі плян арганізацыі выбухаў у аэрапорце і мэтро бэльгійскай сталіцы 22 сакавіка сёлета, калі загінуў 31 чалавек.
