Былы лідэр прафсаюзу «Салідарнасьць» зьяўляецца рашучым апанэнтам кансэрватыўнага польскага ўраду і кіроўнай партыі «Права і Справядлівасьць».
Паводле былога прэзыдэнта, калі краіна-сябар Эўразьвязу не выконвае супольныя правілы, павінна існаваць магчымасьць выключэньня яе з супольнасьці. Лех Валэнса таксама заявіў, што зробіць усё магчымае, каб у Польшчы адбыўся рэфэрэндум аб датэрміновых выбарах.
— Людзі Качынскага (Яраслаў Качынскі — лідэр партыі «ПіС») праз папулізм і дэмагогію прынесьлі шмат зла і будуць працягваць гэта рабіць, пакуль іх ня спыняць. Польшча знаходзіцца ў тупіку і патрабуе дапамогі ўсяго сьвету, — сказаў былы польскі прэзыдэнт.
За апошнія паўгода Эўрапейскі парлямэнт прыняў дзьве рэзалюцыі па справе Польшчы, у якой выказаў занепакоенасьць дзеяньнямі ўраду «Права і Справядлівасьці».