Лінкі ўнівэрсальнага доступу

Прэзыдэнт Баўгарыі абвінаваціў Расею ў спробах раскалоць Эўропу


Росэн Плеўнеліеў

Росэн Плеўнеліеў

Расея можа быць зьвязаная з хакерскай атакай на Цэнтральную выбарчую камісію Баўгарыі падчас правядзеньня рэфэрэндуму і мясцовых выбараў у кастрычніку 2015 году. Пра гэта заявіў баўгарскі прэзыдэнт Росэн Плеўнэліеў.

Паводле яго, дзеяньні Масквы маюць на мэце дэстабілізацыю Эўропы.

Як паведамляе тэлеканал ВВС, Плеўнэліеў падазрае ў кібэратаках хакерскую групоўку Fancy Bear, якую зьвязваюць з узломам сайту Дэмакратычнай партыі ЗША. У нядзелю 6 лістапада ў Баўгарыі пройдуць прэзыдэнцкія выбары.

У пачатку кастрычніка сёлета ўрад Злучаных Штатаў Амэрыкі абвінаваціў Расею ў датычнасьці да хакерскіх нападаў на Дэмакратычную партыю падчас прэзыдэнцкай перадвыбарчай кампаніі. У Вашынгтоне патлумачылі, што ідзецца пра публікацыю на сайтах DCLeaks і WikiLeaks электроннай перапіскі амэрыканскіх палітыкаў. Масква абвінавачваньні адпрэчыла.

XS
SM
MD
LG