Яе ўзначаліў былы памочнік прэзыдэнта Аляксандар Сазонаў. Пра гэта паведамляе TUT.BY.
Гасьцінічны комплекс Кіраўніцтва справамі абʼяднае «Прэзыдэнт-гатэль», гатэль «Плянэта», гасьцінічны комплекс «Юбілейны» і гатэль «Менск», дырэктаркай якога нядаўна прызначылі жонку зьбеглага прэзыдэнта Кіргізстану Курманбека Бакіева. Сёньня ўсе гэтыя гатэлі знаходзяцца ў падпарадкаваньні Кіраўніцтва справамі прэзыдэнта.
53-гадовы Аляксандр Сазонаў у пачатку 90-х быў суўладальнікам «СА-новы», якая займалася вытворчасьцю безалькагольных напояў, продажам харчовых дабавак. У 1994 годзе быў прызначаны памочнікам прэзыдэнта Беларусі ў пытаньнях зьнешнеэканамічнай дзейнасьці, у ліпені 1996 г. — міністрам прадпрымальніцтва і інвэстыцый. У 1999 годзе зноў стаў памочнікам прэзыдэнта — галоўным інспэктарам па Менску.
У 2000-м Сазонаў сышоў з улады ў бізнэс — на прыватныя расейскія кампаніі.
