Лінкі ўнівэрсальнага доступу

Ужо сёньня, 27 кастрычніка: Мядзьведзеў у Менску, міжнародная канфэрэнцыя пра агульнаэўрапейскую інтэграцыю ў «Рэнэсансе»


Князь Вітаўт
Князь Вітаўт

Падзеі і даты гэтага дня ў Беларусі, сьвеце, гісторыі.

Афіша:

Менск. Прэм’ер-міністар Расеі Дзьмітрый Мядзьведзеў наведае Менск для ўдзелу ў пасяджэньні Эўразійскага міжурадавага савету.

Менск. Міжнародная экспэртная канфэрэнцыя на тэму агульнаэўрапейскіх інтэграцыйных працэсаў, у якой возьмуць удзел экспэрты, навукоўцы і дыпляматы зь Беларусі, Расеі, Казахстану, Нямеччыны, Францыі, Вялікабрытаніі, Аўстрыі, Польшчы, Нідэрляндаў, Бэльгіі. На адкрыцьці канфэрэнцыі выступяць кіраўнік МЗС Беларусі Ўладзімер Макей, кіраўнік дэлегацыі ЭЗ у Беларусі Андрэа Віктарын, праграмны дырэктар па Беларусі фонду Конрада Адэнаўэра Вольфганг Зэндэр, генэральны сакратар Аўстра-Францускага цэнтра прымірэньня ў Эўропе Ёанэс Кырле. Канфэрэнцыя праводзіцца ў рамках няўрадавай экспэртнай ініцыятывы «Менскі дыялёг». Месца правядзеньня — гатэль «Рэнэсанс» (пр. Дзяржынскага, 1Е). Пачатак у 09:00.

Менск. Кампанія Velcom запрашае прыняць удзел у прэс-канфэрэнцыі, прысьвечанай новаму праекту MOVABOX. Яго сутнасьць — у тым, каб пазнаёміць шырокую аўдыторыю з сучаснымі беларускімі пісьменьнікамі і іх творамі. Месца правядзеньня — кавярня «Вuffet» (вул. Сурганава, 46). Пачатак у 11:00.

Менск. Да 80-годзьдзя з дня нараджэньня кінарэжысэра, народнага артыста СССР, ляўрэата Дзяржаўнай прэміі СССР Віктара Турава пройдуць спэцыяльныя паказы фільмаў рэжысёра. Месца правядзеньня — кінатэатар «Перамога» (вул. Інтэрнацыянальная, 20). Пачатак у 16:00

Менск. Аўтограф-сэсія аўтара містычнага раману пра Менск Паліны Качатковай. Месца правядзеньня — «Галіяфы» (вул. Няміга, 3). Пачатак у 19:00.

У гісторыі:

1873 — амэрыканец Джозэф Глідэн запатэнтаваў калючы дрот.

1939 — літоўскія войскі ўвайшлі ў Вільню, якую СССР перадаў Літве.

1962 — гэта дзень, калі сьвет быў бліжэй за ўсё да глябальнай ядзернай вайны. У часе карыбскага крызісу выведны самалёт ЗША быў зьбіты над Кубай савецкай зэнітнай ракетай; пілёт, маёр Рудалф Андэрсан загінуў.

У гэты дзень нарадзіліся:

1469 — Эразм Ратэрдамскі, нідэрляндзкі гуманіст.

1728 — Джэймс Кук, брытанскі першаадкрывальнік.

1782 — Нікола Паганіні, італьянскі скрыпач-віртуоз і кампазытар.

1890 — Віктар Шутовіч, беларускі каталіцкі сьвятар, публіцыст.

1911 — Мікола Лобан, беларускі пісьменьнік і мовазнавец.

1952 — Фрэнсіс Фукуяма, амэрыканскі філёзаф і палітоляг.

У гэты дзень памерлі:

1430 — Вітаўт, Вялікі князь Літоўскі, пры якім ВКЛ стала самай вялікай дзяржавай у Эўропе — ад Балтыкі да Чорнага мора.

1505 — Іван III, вялікі князь маскоўскі.

1605 — Акбар Вялікі, трэці падышаг дынастыі Вялікіх Маголаў.

1837 — Міхал Гузікаў, беларускі музыка, аўтар уласнай мадэлі ксыляфону.

1887 — Браніслаў Мінейка, удзельнік паўстаньня 1863–1864 гадоў.

1907 — Зыгмунт Чаховіч, удзельнік паўстаньня 1863–1864 гадоў.

1937 — Каміла Крушальніцкая, кіраўніца нелегальнага каталіцкага гуртка ў Маскве ў першай палове 1930-х гадоў.

Цытата:

«Беларусь ня мела моманту для сапраўднага прарыву да дэмакратыі, як Украіна і Расея... Вы пераскочылі адразу ад савецкай дыктатуры да дыктатуры іншага кшталту».

Фрэнсіс Фукуяма

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG