Лінкі ўнівэрсальнага доступу

Канапацкая правяла першы прыём грамадзян


Ганна Канапацкая
Ганна Канапацкая

Дэпутатка Палаты прадстаўнікоў шостага скліканьня Ганна Канапацкая ўпершыню ў гэтым статусе прыняла грамадзян, якія пражываюць на тэрыторыі яе выбарчай акругі.

У размове са Свабодай яна распавяла, што большасьць наведнікаў прыйшлі з бытавымі пытаньнямі, але ўсе яны былі ўсьцешаныя тым, што ў парлямэнт трапіла апазыцыя.

«Я з боем вырвала ў адміністрацыі Кастрычніцкага раёну часовае памяшканьне і ўчора правяла першы прыём. Прыйшлі восем чалавек. У абсалютнай бальшыні пытаньні фактычна аднолькавыя. Усе яны тычацца жыльлёвых альбо камунальных праблемаў канкрэтных людзей. Я і мае памочнікі будзем разьбірацца зь іх пытаньнямі.

А вось адзін з наведвальнікаў мяне зьдзівіў. Ён нічога не прасіў для сябе, а прыйшоў пагаварыць пра стан бізнэсу ў краіне. Распавядаў, як цяжка працаваць, прапаноўваў, што можна зьмяніць у заканадаўстве.

Але галоўнае ўражаньне першага прыёму такое: кожны, каго я прыняла, казаў, як добра, што ў парлямэнце нарэшце зьявілася апазыцыя. Зразумела, мне было прыемна гэта пачуць. Адзінае, што мяне тут цікавіць, — наколькі яны былі шчырыя», — сказала Ганна Канапацкая.

Яна дадала, што ўжо сфармавала сваю групу памочнікаў. Усе яны ўваходзілі ў яе выбарчую каманду, усе зьяўляюцца сябрамі Аб’яднанай грамадзянскай партыі. Але паколькі яны яшчэ афіцыйна не зацьверджаныя, то дэпутатка пакуль іхных прозьвішчаў не называе.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG