Лінкі ўнівэрсальнага доступу

У Маскве памінаюць ахвяраў тэрарыстычнага акту на Дуброўцы


Тэатральны цэнтар на Дуброўцы. 24 кастрычніка 2002 году.
Тэатральны цэнтар на Дуброўцы. 24 кастрычніка 2002 году.

У Маскве 14 гадоў таму адбыўся адзін з самых кровапралітных тэрактаў у гісторыі Расеі — 23 кастрычніка 2002 году падчас паказу мюзіклу «Норд-Ост» тэрарысты захапілі і тры дні ўтрымлівалі каля тысячы чалавек у тэатральным цэнтры на Дуброўцы, патрабуючы вываду расейскіх войскаў з Чачэніі.

26 кастрычніка ўлады спынілі перамовы і штурмавалі будынак тэатральнага цэнтру. У залю быў пушчаны газ, склад якога дагэтуль засакрэчаны. Загінулі 130 закладнікаў, больш за 700 пацярпелі, усе тэрарысты былі забітыя.

У 2011 годзе Эўрапейскі суд правоў чалавека разгледзеў калектыўную скаргу пацярпелых у тэракце і прызнаў, што расейскія ўлады парушылі права на жыццё і на справядлівае судовае разьбіраньне. Суд абавязаў Расею выплаціць грашовыя кампэнсацыі сем’ям ахвяраў тэракту і расьсьледаваць абставіны выратавальнай апэрацыі, якая прывяла да гібелі 130 чалавек. Аднак Сьледчы камітэт Расеі адмовіўся заводзіць крымінальныя справы супраць адказных за штурм тэатральнага цэнтру.

Былыя закладнікі і сваякі тых, хто загінуў пры штурме, перакананыя, што адказнасць за шматлікія ахвяры ляжыць ня толькі на тэрарыстах, але і на расейскіх уладах. Яны патрабуюць назваць газ, які ўжываўся пры штурме, а таксама чалавека, які аддаў спэцназу загад для пачатку атакі.

На 26 кастрычніка каля тэатральнага цэнтру на Дуброўцы заплянаваная акцыя памяці.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG