Лінкі ўнівэрсальнага доступу

Ужо сёньня 23 кастрычніка 2016: 60 ўгодкі паўстаньня ў Вугоршчыне


Падзеі і даты гэтага дня ў Беларусі, сьвеце, гісторыі.


Афіша:

У кавярні «Утопія 60» (Менск, вул. Леніна, 9) пройдзе сустрэча з культуролягам Максімам Жбанковым на тэму «Сьмерць кіно і чаму гэта не страшна». Пачатак а 19.00.

У гісторыі:

1816 — нарадзіўся Арцём Вярыга-Дарэўскі, беларускі паэт, драматург, публіцыст і дасьледнік фальклёру, адзін з пачынальнікаў новай беларускай літаратуры.

1887 — нарадзіўся Цішка Гартны (Зьміцер Жылуновіч), беларускі пісьменьнік, грамадзкі і дзяржаўны дзяяч (пам. 11.4.1937). Друкавацца пачаў з 1908 у газэце «Наша ніва». Першая кніга «Pieśni» выйшла ў 1913. У 1918 сакратар Беларускага нацыянальнага камісарыята. Рэдактар першай беларускай бальшавіцкай газэты «Дзяньніца». У 1921 у Бэрліне наладзіў выданьне беларускіх кніг. Пасьля вяртаньня ў Менск рэдактар газэты «Савецкая Беларусь», ініцыятар стварэньня літаратурнага аб’яднаньня і часопісу «Полымя», узначальваў Дзяржвыдавецтва БССР і Цэнтральны архіў БССР, працаваў намесьнікам наркама асьветы БССР, у Інстытуце гісторыі БелАН. Акадэмік БелАН з 1928. Выключаны з ВКП(б) у1931 з фармулёўкай «за сувязь з нацдэмаўскімі і фашысцкімі элемэнтамі». Арыштаваны 15.11.1936, 7.4.1937 пераведзены ў Магілёўскую псыхіятрычную лячэбніцу, дзе і памёр (па афіцыйнай вэрсіі ад гангрэны лёгкіх; па іншых зьвестках — скончыў жыцьцё самагубствам).

1896 — нарадзіўся лінгвіст і літаратуразнаўца Раман Якабсон.

1909 — нарадзіўся Міхась Зуй, вайсковы і палітычны дзяяч, дзяяч эміграцыі ў Нямеччыне і Аўстраліі, прэзыдэнт Беларускай Цэнтральнай Рады (1987-1995).

1956 — у Вугоршчыне выбухнула антыкамуністычнае паўстаньне, якое здушыла савецкая вайсковая інтэрвэнцыя.

1958 — савецкі расейскі пісьменьнік Барыс Пастэрнак атрымаў Нобэлеўскую прэмію за раман «Доктар Жывага», які стаў бэстсэлерам на Захадзе, але ня быў апублікаваны ў ягонай краіне.

У памяці:

1941 — памёр Васіль Шашалевіч, беларускі драматург.

1981 — памёр Якуб Міско, беларускі пісьменьнік і журналіст.

Цытата:

«Вугоршчына, заваяваная і ў аковах, зрабіла больш для свабоды і справядлівасьці, чым любы іншы народ на працягу дваццаці гадоў».

Альбэр Камю

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG