Лінкі ўнівэрсальнага доступу

ЭЗ летась памылкова выдаткаваў суму, якая перавышае 10% ВУП Беларусі


У 2015 годзе зь бюджэту Эўразьвязу было памылкова выдаткавана 5,5 мільярдаў эўра, то бок 3,8% усіх сродкаў — так вынікае са справаздачы Эўрапейскай падліковай палаты ў Брусэлі.

Летась выдаткі зь бюджэту ЭЗ склалі 145,2 мільярды эўра, у пераліку на аднаго грамадзяніна — 285 эўра. Гэта прыблізна 1% нацыянальнага даходу ЭЗ і 2% ад выдаткаў усіх дзяржаў-чальцоў эўрасупольнасьці.

Эўрапейская падліковая палата прааналізавала 1,2 тысячы грашовых апэрацый. Сярод іх 12 было зьдзейсьненых з падазрэньнем махлярства.

У рамках некаторых праектаў была завышаная колькасьць гадзінаў працы, некаторыя фірмы, напрыклад, уносілі ў справаздачы выдаткі, якія ажыцьцяўляліся падчас рэалізацыі іншых праектаў. Фэрмэры, якія карысталіся дапамогай ЭЗ, завышалі плошчы сельгасугодзьдзяў, якія яны апрацоўвалі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG