Лінкі ўнівэрсальнага доступу

Прэмію Angelus за 2016 год атрымаў румынскі пісьменьнік армянскага паходжаньня Варужан Васганьян


Журы Літаратурнай прэміі Сярэдняй Эўропы Angelus абвясьціла новага ляўрэата. Ім стаў румынскі пісьменьнік армянскага паходжаньня Варужан Васганьян.

Імя пераможцы было агучана 15 кастрычніка падчас традыцыйнай штогадовай урачыстасьці ў музычным тэатры «Capitol» ва Ўроцлаве.

На прэмію сёлета прэтэндавалі сем кніг:

Мацей Хэн, «Сольфатара»

Анна Янка (Польшча) — «Малое вынішчэньне»

Уладзімер Някляеў (Беларусь) — «Аўтамат з газіроўкай зь сіропам і без»

Крысьціна Сабаляўскайце (Літва) — «Silva rerum»

Альвідас Шляпікас (Літва) — «Мяне завуць Марыце»

Крыстыян Тэадарэску (Румынія) — «Мэджыдыя, горад ля мяжы»

Варужан Васганьян (Румынія) — «Кніга шэптаў»

Літаратурная прэмія Цэнтральнай Эўропы Angelus прысуджаецца за найлепшую кнігу з тых, што выйшлі па-польску ў папярэдні год. Выдаўцы могуць вылучаць на яе жывых аўтараў з 21 краіны Цэнтральнай Эўропы. Прэмію складае грашовая ўзнагарода — 150 тысяч злотых (38,7 тыс. даляраў ЗША) і статуэтка аўтарства Эвы Расана.

Прэмія Angelus прысуджаецца з 2006 году. Яе ляўрэатамі сярод іншых былі Юры Андруховіч, Сьвятлана Алексіевіч, Міленка Ергавіч, Аксана Забужка, Сяргей Жадан.

Сёлета ўжо трэці год паралельна з прэміяй Angelus шляхам інтэрнэт-галасаваньня сярод удзельнікаў шорт-ліста вызначаецца ляўрэат прэміі імя Натальлі Гарбанеўскай. Сёлета пераможцам стаў Варужан Васганьян.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG