Лінкі ўнівэрсальнага доступу

Wikileaks: Клінтан хацела ўзяць Кітай у атачэньне амэрыканскай сыстэмай супрацьракетнай абароны


Сайт Wikileaks апублікаваў дакумэнты, згодна зь якімі кандыдат у прэзыдэнты ЗША ад дэмакратаў Гілары Клінтан, знаходзячыся на пасадзе дзяржаўнага сакратара ЗША, у прыватнай гутарцы прапанавала акружыць Кітай амэрыканскай сыстэмай супрацьракетнай абароны.

На такі крок, згодна з працёкам, Клінтан была гатовая пайсьці на гэта ў выпадку, калі Пэкін адмовіцца садзейнічаць стрымліваньню паўночнакарэйскай ядзернай праграмы.

У чацьвер WikiLeaks апублікаваў шостую частку канфідэнцыйных лістоў старшыні выбарчай кампаніі Клінтан Джона Падэсты. Апублікаваныя фрагмэнты перапіскі ўключаюць у сябе запісы прыватных размоваў кандыдата ад дэмакратаў. Прадстаўнікі выбарчай кампаніі Клінтан адмовіліся пацьвердзіць сапраўднасьць працёку.

Заснавальнік Wikileaks Джуліян Асанж паабяцаў апублікаваць каля мільёну дакумэнтаў, зьвязаных з выбарчай кампаніяй у Злучаных Штатах. Выбары прэзыдэнта ЗША адбудуцца 8 лістапада. Галоўны супернік Клінтан — кандыдат ад Рэспубліканскай партыі Дональд Трамп.

XS
SM
MD
LG