Лінкі ўнівэрсальнага доступу

Ужо сёньня 15 кастрычніка 2016: Дзень памяці Касьцюшкі і Агінскага


Тадэвуш Касьцюшка

Тадэвуш Касьцюшка

Падзеі і даты гэтага дня ў Беларусі, сьвеце, гісторыі.

Афіша:

У кавярні «Утопія 60» (Менск, вул. Леніна, 9) пройдзе сустрэча з паэтам Дзьмітрыем Строцавым. Пачатак а 19.00.

Лялечны тэатар «Лямцавая батлейка» выступіць са спэктаклем «Мама Му ў басэйне» для дзяцей пасёлку Зялёны Бор у Смалявіцкім раёне, а таксама для вучняў сярэдняй школы № 5 г. Жодзіна. Пачатак у 11.00 (сярэдняя школа № 5 г. Жодзіна), 13.00 (Дом культуры п. Зялёны Бор).

У гісторыі:

70 да н. э. ― нарадзіўся Публій Вэргілій, старажытнарымскі паэт.

1432 ― Польшча і ВКЛ падпісалі Гарадзенскую унію.

1814 ― нарадзіўся Міхаіл Лермантаў, расейскі паэт.

1844 ― нарадзіўся Фрыдрых Ніцшэ, нямецкі філёзаф.

1914 ― нарадзіўся паэт Лявон Случанін (Лявонці Шпакоўскі). У часы нямецкай акупацыі працаваў дырэктарам школы, школьным інспэктарам на Случчыне, быў дэлегатам зьезду Беларускае цэнтральнае рады ў 1944 г. Вязень сталінскіх лягераў, аўтар паэмы «Рагнеда».

1936 ― нарадзіўся Мікола Гіль, беларускі пісьменьнік.

1962 ― нарадзіўся Сяргей Абламейка, беларускі пісьменьнік, гісторык, журналіст, супрацоўнік Радыё Свабода.

1916 — у Сьвіслачы (Гарадзенская вобласьць) заснаваная беларуская настаўніцкая сэмінарыя.

1920 ― армія генэрала Станіслава Булак-Балаховіча захапіла Мазыр.

1929 ― створаны Інстытут гісторыі АН Беларусі.

1953 ― на Менскім трактарным заводзе выраблены першы трактар «Беларус» на колах.

1961 ― у Лёндане заснаваная праваабарончая арганізацыя Amnesty International.

1964 ― уведзены ў дзеяньне нафтаправод «Дружба».

1968 ― адбыўся першы выступ брытанскага рок-гурту Led Zeppelin.

У памяці:

1817 ― памёр Тадэвуш Касьцюшка, герой нацыянальна-вызваленчага руху ў Рэчы Паспалітай і ЗША.

1824 ― памёр Рамуальд Гедройць, адзін з галоўных камандзіраў Касьцюшкоўскага паўстаньня.

1833 ― памёр Міхал Клеафас Агінскі, кампазытар, дыплямат, дзяржаўны дзяяч ВКЛ.

Цытата:

Славу ткалі гады. На крывіцкай зямлі

Панавалі і шчасьце, і згода...

У харомах сваіх на пацеху усім

Вырастала дачка Рагвалода.

Залацістыя косы ёй сонца дало,

Дало неба ёй сінія вочы;

На квяцістым лугу за вішнёвым сялом

Дала лілія стан ёй дзявочы.

Навучыла жыцьцё волю сьветлую піць

I ніколі ня знацца з прымусам.

Навучыла зямля, як радзіму любіць,

Як любіць крывічан-беларусаў.

Лявон Случанін, фрагмэнт паэмы «Рагнеда»

Паказаць камэнтары

XS
SM
MD
LG