З 4 па 6 кастрычніка ў Менску знаходзіліся прадстаўнікі нямецка-беларускай парлямэнцкай групы дружбы — яе кіраўнік Олівэр Качмарак і дэпутат Утэ Фінке-Крэмер (абодва — СДПН). Яны сустрэліся зь беларускімі чыноўнікамі і прадстаўнікамі грамадзянскай супольнасьці.
У інтэрвію парталу tut.by Фінке-Крэмэр заявіла, што нельга ставіцца да беларускага парлямэнта крытычней, чым да расейскага, кітайскага або азэрбайджанскага. З усімі з гэтых органаў у бундэстага афіцыйныя кантакты ёсьць. «Можна сказаць, што табу на такія кантакты зьнятае і ў дачыненьні да парлямэнта Беларусі», — сказала яна.