Лінкі ўнівэрсальнага доступу

У Грузіі праходзяць «самыя непрадказальныя» парлямэнцкія выбары 


Участак для галасаваньня ў Тбілісі

Участак для галасаваньня ў Тбілісі

8 кастрычніка ў Грузіі адбываюцца парлямэнцкія выбары, якія павінны, акрамя іншага, замацаваць традыцыю мірнай перадачы ўлады.

У Грузіі з 2013 году не прэзыдэнцкае, а парлямэнцкае праўленьне, і ўрад будзе сфармаваны з палітычных сілаў, якія ўвойдуць у парлямэнт.

«Мы ўпершыню ідзем на такія парлямэнцкія выбары, вынікі якіх наўпрост адаб’юцца на тым, які урад у нас будзе, куды ён пойдзе і як гэта паўплывае на пабудову краіны», — нагадвае сьпікер парлямэнту Давід Усупашвілі.

За ўладу ў Грузіі, нароўні з празаходнімі, актыўна змагаюцца палітычныя сілы, якія выступаюць супраць эўраатлянтычнай інтэграцыі і за шчылныя адносіны Грузіі з Расеяй.

8 кастрычніка грузінскі выбаршчык павінен выбраць 150 дэпутатаў — 77 паводле партыйных і 73 паводле мажарытарных сьпісаў. Адначасова з парлямэнцкімі праходзяць выбары ў Вярхоўны савет Аджарскай аўтаномнай рэспублікі, а таксама ў некалькіх выбарчых акругах — прамежкавыя выбары ў мясцовыя органы самакіраваньня. За хадой выбараў і падлікам галасоў назіраюць прадстаўнікі больш як ста мясцовых НДА і 55 міжнародных арганізацый.

Заходнія партнэры неаднаразова адзначалі, што пасьля першага выпадку мірнай зьмены ўлады ў 2012-м за ўсю гісторыю незалежнасьці Грузіі, неабходна замацаваць гэтую традыцыю. Пры гэтым цяперашнія выбары лічацца самымі непрадказальнымі. За ўладу ў Грузіі, нароўні з празаходнімі, актыўна змагаюцца палітычныя сілы, якія выступаюць супраць эўраатлянтычнай інтэграцыі і за шчыльныя адносіны Грузіі з Расеяй.

XS
SM
MD
LG