Лінкі ўнівэрсальнага доступу

На Гаіці ахвярамі ўрагану «Мэт’ю» сталі больш за 840 чалавек


Колькасьць ахвяраў урагану «Мэт’ю» на Гаіці перавысіла 840 чалавек. Дзясяткі тысяч мясцовых жыхароў засталіся без прытулку. Стыхія абрынулася на краіну ў мінулы аўторак.

Злучаныя Штаты накіравалі каманды ўзброеных сілаў і Агенцтва міжнароднага разьвіцьця ЗША (USAID) на дапамогу Гаіці, каб сумесна зь мясцовымі органамі ўлады каардынаваць дапамогу ліквідацыі стыхійных бедзтваў.

Паводле зьвестак ААН, ад урагану пацярпелі каля 6 мільёнаў гаіцянаў, зь іх 350 тысяч маюць патрэбу ў неадкладнай дапамозе, паведамляе «Голас Амэрыкі». Мэдыкі асьцерагаюцца ўсплёску халеры.

У пятніцу ўраган прыйшоў у амэрыканскі штат Флорыда, дзе больш за 800 тысяч дамоў засталіся без электрычнасьці. Хуткасьць ветру ў эпіцэнтры дасягае 195 кілямэтраў у гадзіну.

Паказаць камэнтары

XS
SM
MD
LG