Афіша:
У клюбе «Re:Public» (Менск, вул. Прытыцкага, 62) беларускія музыкі сыграюць вялікі канцэрт супраць сьмяротнага пакараньня «Рок за жыцьцё». Удзельнічаюць: «Дай дарогу!», «Re1ikt», «Мутнаевока», «:B:N:», «Sciana» і «Тлушч». Пачатак а 17.30.
У клюбе «Графіці» (Менск, зав. Калініна, 16) з канцэртам выступяць удзельнікі музычнага праекту «Ягорава гара». Пачатак а 19.00.
У гісторыі:
1621 — скончылася Хоцінская бітва, у якой войска Рэчы Паспалітай на чале зь Янам Хадкевічам перамагло войска турэцкага султана Асмана ІІ.
1656 — у бітве пад Прасткамі войска Кароны і ВКЛ перамагло швэдаў.
1831 — нарадзіўся Міхал Ельскі, беларуска-польскі скрыпач, кампазытар і пісьменьнік.
У памяці:
1910 — памерла Марыя Канапніцкая, польская пісьменьніца.
1943 — памёр Андрэй Мрый, беларускі пісьменьнік.
1991 — памерла Зоська Верас, беларуская дзяячка і пісьменьніца.
2004 — памёр Жак Дэрыда, францускі філёзаф.
Цытата:
«Як ішоў кароль вайною,
Гром фанфар стаяў сьцяною —
Трубы ўкручвалі бадзёру! —
Алілуя!.. Шапкі ўгору!..
А як бралі Стаха ў войска,
Жыта плакала палоска,
Ды крынічанька на лузе
Зажурбоцілася ў скрусе...
На вайне снарады рвуцца,
Як снапы, кладуцца людцы,
Славай цешацца манархі,
І, як мухі, гінуць Стахі.
Там штандар з арлом лунае,
А тут крыж рыпіць вясковы...
Стах ад раны ўжо канае,
А кароль жывы-здаровы...
Як пад’ехаў ён да брамы,
Залатой зарою ўбраны,
На сто вёрстаў ад сталіцы
Звон разьлёгся са званіцы.
А як Стаху дол капалі,
Толькі дрэвы шапаталі,
Ды званіў яму з дубровы
Квет-званочак
той ліловы...»
Марыя Канапніцкая, «Як ішоў кароль вайною...» (пераклад Васіля Сёмухі)
