Лінкі ўнівэрсальнага доступу

Кіраўнік расейскай фэдэрацыі MMA асудзіў дзіцячыя баі з удзелам сыноў Кадырава


Фёдар Емяльяненка

Фёдар Емяльяненка

Кіраўнік Саюзу зьмешаных баявых мастацтваў (ММА) Расеі Фёдар Емяльяненка асудзіў правядзеньне баёў з удзелам дзяцей кіраўніка Чачні Рамзана Кадырава на турніры Grand Prix Akhmat 2016 ў Грозным.

Емяльяненка зьвярнуў увагу на тое, што двубоі з удзелам дзяцей былі заяўленыя як паказальныя, але па факце гледачы ўбачылі рэальныя баі.

10-гадовы Ахмад, дзевяцігадовы Зэлімхан і васьмігадовы Адам Кадыравы 4 кастрычніка правялі баі з аднагодкамі і перамаглі, прычым Ахмад адправіў у накаўт свайго суперніка з Сочы ўжо на 14-й сэкундзе.

«Двубоі праводзіліся па правілах, якія існуюць для дарослых спартоўцаў-прафэсіяналаў і не пасуюць для дзяцей. Дзецям да 12 гадоў наогул не дазволена выступаць паводле правілаў ММА. Тое, што адбывалася ўчора на турніры ў Грозным, недапушчальна, а тым больш за гэта нельга апраўдваць!» — напісаў Емяльяненка ў сваім афіцыйным інстаграме.

XS
SM
MD
LG