Лінкі ўнівэрсальнага доступу

Мільярд з Пакістанам аднесены на чатыры гады


Аляксандар Лукашэнка і прэмʼер-міністар Пакістана Наваз Шарыф

Аляксандар Лукашэнка і прэмʼер-міністар Пакістана Наваз Шарыф

Беларусь і Пакістан дамовіліся падняць таваразварот да 1 млрд даляраў цягам чатырох гадоў.

Пра гэта кіраўнік Беларусі Аляксандар Лукашэнка заявіў 5 кастрычніка на Беларуска-пакістанскім дзелавым і інвэстыцыйным форуме ў Ісламабадзе.

«Мы дамовіліся з прэмʼер-міністрам на працягу чатырох гадоў вывесьці наш таваразварот на ўзровень 1 млрд даляраў. Як хочаце дамаўляйцеся паміж сабой, але праз чатыры гады 1 млрд даляраў, ня менш (больш можна), павінен быць», — цытуе БелТА Лукашэнку.

Раней Лукашэнка заявіў, што пад палітычныя стасункі, якія знаходзяцца на высокім узроўні, трэба «падвесьці магутную эканамічную базу». Кіраўнік Беларусі выказаўся за павышэньне таваразвароту з Пакістанам да 1 млрд даляраў (цяпер усяго 50–65 мільёнаў даляраў за год).

4–6 кастрычніка Аляксандар Лукашэнка знаходзіцца з афіцыйным візытам у Ісламскай Рэспубліцы Пакістан.

Паказаць камэнтары

XS
SM
MD
LG