Міністарка адукацыі Расеі Вольга Васільева мае намер вярнуць у школы ўрокі астраноміі за кошт скарачэньня гадзін, выдзеленых на вывучэньне другой замежнай мовы.
Васільева назвала «прафанацыяй» вывучэньне другой замежнай мовы ў звычайных школах і прапанавала забраць гэтыя 250 гадзін у год на ўрокі астраноміі. Другую мову можна вывучаць факультатыўна, лічыць міністарка.
Пытаньне аб вяртаньні ў школы ўрокаў астраноміі неаднаразова абмяркоўвалася і раней. Гэты прадмет з 1991 году не ўваходзіць у абавязковую праграму расейскіх школаў, але вывучэньне нябесных целаў праходзіць у рамках іншых прадметаў, у прыватнасьці, фізыкі. У некаторых школах працуюць астранамічныя гурткі.
Былая супрацоўніца Адміністрацыі прэзыдэнта Расеі Васільева была прызначаная міністаркай адукацыі 19 жніўня адразу пасьля адстаўкі Дзьмітрыя Ліванава, які займаў гэтую пасаду з 2012 году. У Крамлі яна займалася пытаньнямі патрыятычнага выхаваньня.
26 верасьня кіраўніца Міністэрства адукацыі і навукі прапанавала абавязаць школьнікаў займацца прыборкай клясаў і іншых школьных памяшканьняў, а таксама працаваць на «прысядзібных участках».
30 жніўня міністарка прапанавала бацькам блякаваць дзецям доступ да інтэрнэту, каб абмежаваць запампоўку файлаў кампʼютарных гульняў.
Міністарка адукацыі Расеі назвала «прафанацыяй» вывучэньне другой замежнай мовы.
Самае папулярнае
1
