Лінкі ўнівэрсальнага доступу

Ужо сёньня 4 кастрычніка 2016: Вечар да 85-годзьдзя Ніла Гілевіча


Падзеі і даты гэтага дня ў Беларусі, сьвеце, гісторыі.

Афіша:

У Музэі Максіма Багдановіча (вул. Багдановіча, 7а) адбудзецца вечар, прысьвечаны 85-годзьдзю Ніла Сымонавіча Гілевіча, з удзелам калег, сяброў, родных і блізкіх Паэта. Пачатак у 18.30. Уваход вольны

У кнігарні «логвінаЎ» брытанскі дасьледнік беларускай літаратуры Арнольд Макмілін прэзэнтуе сваю новую кнігу «Рунь». У імпрэзе, акрамя аўтара, бяруць удзел Ганна Кісьліцына і Джым Дынглі.

Цэнтар дасьледаваньняў беларускай культуры, мовы і літаратуры Нацыянальнай акадэміі навук Беларусі праводзіць Міжнародную навуковую канфэрэнцыю «Беларуска-польскія культурна-моўныя ўзаемаадносіны: ад гісторыі да сучаснасьці».

У гісторыі:

1535 — з друку выйшла першая ў сьвеце Біблія на ангельскай мове. Вартая ўвагі акалічнасьць: беларусы дзякуючы Скарыну атрымалі сваю Біблію па-беларуску ў 1517 годзе, то бо амаль на дваццаць гадоў раней за ангельцаў.

1582 — паводле ўказу папы рымскага Грыгорыюса XIII наступіў пераход на новы каляндар, які быў названы грыгарыянскім.

1957 — Савецкі Саюз запусьціў у космас першы штучны спадарожнік Зямлі.

У гэты дзень нарадзіліся:

1750 — у Віцебску польскі паэт Францішак Дыянізі Князьнін.

1816 — Эжэн Пацье, францускі паэт, удзельнік Парыскай камуны, які ўвайшоў у гісторыю як аўтар «Інтэрнацыяналу».

1895 — амэрыканскі камэдыйны актор Бастэр Кітан, адзін з найвыдатнейшых комікаў нямога кінэматографу.

1941 — амэрыканская пісьменьніца Эн Райс, аўтарка бэстсэлераў пра вампіраў.

У гэты дзень памерлі:

1669 — галяндзкі мастак Рэмбрант.

1947 — нямецкі фізык Макс Плянк, які ўвёў у фізыку тэрмін «квант».

1970 — амэрыканская сьпявачка Джэніс Джоплін.

1980 — у аўтамабільнай катастрофе загінуў першы сакратар ЦК КПБ Пётар Машэраў.

1981 — беларускі грэка-каталіцкі біскуп Часлаў Сіповіч.

2007 — Яўген Будзінас, беларускі пісьменьнік і журналіст.

Цытата

Кожны з нас — непаўторны. Не ператварай сябе ў прадмет кампрамісу, бо ты ёсьць усім, што ты маеш.

Джэніс Джоплін

XS
SM
MD
LG