У Вугоршчыне завяршыўся рэфэрэндум у справе міграцыйных квотаў Эўразьвязу. Паводле экзыт-полу арганізацыі Nezoepont, 95% вугорцаў, якія прынялі ўдзел у галасаваньні, выказаліся супраць квотаў ЭЗ. Аднак празь нізкую яўку могуць прызнаць, што рэфэрэндум не адбыўся.
Паводле неафіцыйных зьвестак, а 17.30 яўка склала менш за 40%. Вынік рэфэрэндуму лічыцца абавязковым пасьля пераадоленьня мяжы ў 50%.
Прэмʼер-міністар краіны Віктар Орбан заявіў сёньня, што калі большасьць вугорцаў прагаласуе за падтрымку квотаў Эўразьвязу, то ён сыдзе ў адстаўку.
