3 кастрычніка ў Польшчы павінен адбыцца страйк жанчын - "Чорны пратэст". Удзельніцы акцыі маюць намер узяць у панядзелак выхадны і адмовіцца ад выкананьня хатніх абавязкаў. У многіх гарадах краіны заплянаваныя дэманстрацыі.
Акцыю запачаткавалі ў Інтэрнэце, паведамляе Polskie radio. Імпульсам стаў допіс у сацыяльных сетках акторкі Крыстыны Янды, якая прыгадала пратэст жанчын у Ісьляндыі — 24 кастрычніка 1975 года. Працуючыя і беспрацоўныя жанчыны на высьпе вырашылі «узяць выхадны», каб грамадзтва пачало цаніць іх працу. Тыя, хто працаваў, ня выйшлі на працу. Хатнія гаспадыні ў гэты дзень перадалі апеку над дзецьмі ў рукі мужчын. У акцыі прыняло ўдзел 90% ісьляндак, што выклікала параліч у краіне.
У сацыяльных сетках зьявіліся допісы працадаўцаў і выкладчыкаў ВНУ ў падтрымку акцыі. Апрача дэманстрацый, у краіне адбудзецца шэраг хэпэнінгаў, пленэрных трэнінгаў, супольнае гатаваньне і чытаньне кніг.
Многія польскія грамадзкія арганізацыі правядуць пра дзень адчыненых дзьвярэй.