Лінкі ўнівэрсальнага доступу

Ужо сёньня, 2 кастрычніка: гадавіна першай пісьмовай згадкі Вільні


Вільня, Вострая брама.

Вільня, Вострая брама.

Падзеі дня ў Беларусі, сьвеце, гісторыі.

Афіша:

Менск — канцэрт «Музыка на ўсе часы», Вялікі тэатар опэры і балету. Пачатак а 19-ай.

Прага — Канцэрт менскага дуэту NAVI , у склад якога ўваходзяць выкладчыца вакалу Ксенія Жук і былы вядучы радыёстанцыі «Сталіца» Арцём Лук’яненка. Craft House, Navratilova, 11, пачатак а 19-ай

У гісторыі:

1323 — першая пісьмовая згадка Вільні, у лісьце вялікі князь літоўскі Гедымін называе горад сваім «стольным градам».

1413 — заключана Гарадзельская вунія Вялікага княства Літоўскага з Каралеўствам Польскім, якая надала беларуска-літоўскай шляхце палітычныя правы.

1523 — у кракаўскай друкарні на лацінскай мове выйшаў зборнік Міколы Гусоўскага «Песьня пра зубра», які складаўся з прысьвячэньня каралеве Боне Сфорцы, уласна паэмы і 11 вершаў.

1870 — Рым стаў сталіцай аб’яднанай Італіі.

1930 — у Горадні надрукаваны першы нумар часопісу «Беларуская думка».

1990 — выйшаў першы нумар газэты Вярхоўнага Савету Рэспублікі Беларусь «Народная газэта».

У гэты дзень нарадзіліся:

1819 — Аляксандар Незабытоўскi, беларускі і польскі пісьменьнік.

1828 — Міхаіл Каяловіч, гісторык, грамадзкі дзеяч, адзін з родапачынальнікаў ідэалёгіі «заходнерусізму».

1869 — Махатма Гандзі, адзін з кіраўнікоў ды ідэоляг нацыянальна-вызвольнага руху Індыі.

1904 — Грэм Грын, ангельскі пісьменьнік, драматург і літаратурны крытык.

1934 — Тамара Чарняўская, беларускі гісторык архітэктуры.

1945 — Тамара Габрусь, беларускі гісторык архітэктуры, мастацтвазнавец.

1961 — Сяргей Шупа, беларускі перакладчык, мовазнавец і журналіст.

1965 — Зьміцер Сідаровіч, беларускі дудар, былы лідэр гурту «Камэлот».

У гэты дзень памерлі:

1800 — Мацей Радзівіл, драматург, кампазытар.

1892 — Эрнст Рэнан, францускі пісьменьнік, гісторык і філёляг

1924 — Аляксей Сапуноў, гісторык, археограф, краязнаўца.

1968 — Аляксей Глебаў, беларускі скульптар.

Цытата:

Бог барані, калі нас перамогуць прышэльцы,
Лепш ужо сьмерць нам усім без пары, чым такая
Доля — жыцьцё пад’ярэмнае ў чорнай няволі.
Караю боскай такіх не застрашыць, каторым
Іхная вера дыктуе нянавісьць к другому.

Мікола Гусоўскі. Песьня пра зубра

XS
SM
MD
LG