Лінкі ўнівэрсальнага доступу

Ужо сёньня, 30 верасьня: 85 гадоў з дня нараджэньня Ніла Гілевіча


Ніл Гілевіч

Ніл Гілевіч

Падзеі дня ў Беларусі, сьвеце, гісторыі

Афіша

Менск — Майстар-кляса Назарэта Караяна «Зваротная сувязь у распрацоўцы праекту: канцэпт і кантэкст-аналіз». Галерэя сучаснага мастацтва «Ў» (пр-т Незалежнасьці, 37 а). Пачатак а 18-ай.

Менск — пачатак судовага разбору ў справе жыхара Менску, які адрэзаў галаву сабаку. Суд Кастрычніцкага раёну (вул. Сямашкі, 33). Пачатак а 10-ай.

Менск — міжнародная канфэрэнцыя «Новая рэальнасьць: выклікі для Беларусі». Гатэль «Рэнэсанс-Менск» ( Дзяржынскага, 1.)

У гісторыі

1452 — Ян Гутэнбэрг выдаў першую друкаваную кнігу, якая атрымала назву «Біблія Гутэнбэрга».

1939 — Уладзіслаў Сікорскі ўзначаліў польскі эмігранцкі ўрад (у Францыі).

1965 — У выніку путчу лідэр Інданэзіі Сукарна адхілены ад улады, кіраўніком краіны стаў генэрал Сухарта.

1999 — Пачатак другой вайны ў Чачні.

2005 — У дацкай газэце Jyllands-Posten апублікаваныя карыкатуры на прарока Мухамада, што выклікала рэзкія пратэсты і беспарадкі ў мусульманскім сьвеце.

У гэты дзень нарадзіліся

1728 — Марцін Пачобут-Адлянецкі, беларускі вучоны-асьветнік, астраном, адзін з заснавальнікаў і першы дырэктар Віленскай астранамічнай абсэрваторыі.

1882 — Ганс Вільгельм Гейгер, нямецкі фізык, вынаходнік лічыльніка ўзроўню радыеактыўнасьці.

1892 — Зоська Верас, беларуская пісьменьніца і грамадзкая дзяячка. Адна з пачынальніц беларускага адраджэнскага руху, пад псэўданімам Мірко друкавалася ў 1911 годзе ў «Нашай Ніве», актыўная ўдзельніца падзеяў беларускай гісторыі часоў БНР.

1931 — Ніл Гілевіч, народны паэт Беларусі.

У гэты дзень памерлі

1934 — Мітрафан Доўнар-Запольскі, беларускі гісторык, этнограф, эканаміст

1939 — Уладзіслаў Сівы-Сівіцкі, беларускі паэт.

1992 — Мікалай Бірыла, беларускі мовазнаўца.

1999 — Дзьмітры Ліхачоў, расейскі філёляг, акадэмік, перакладчык на сучасную расейскую мову «Слова пра паход Ігараў», «Аповесьці мінулых гадоў» і многіх іншых помнікаў старажытнарускай літаратуры.

Цытата

Сёньня для нас важней за ўсё — Мова, на першым пляне павінна быць Мова! Будзе Мова — будзе нацыянальная сьвядомасьць і будзе Беларусь. Ня будзе мовы — ня будзе Беларусі.

Ніл Гілевіч

XS
SM
MD
LG