Пра гэта праваабаронцам паведамілі мэдыкі і ратавальнікі, якія працягваюць здабываць целы ахвяраў з-пад завалаў і асьцерагаюцца, што іх колькасьць будзе расьці.
Амаль два мільёны жыхароў Алепа — другога па велічыні гораду краіны — засталіся без вады. Адну помпавую станцыю разбамбавала ўрадавая авіяцыя пры падтрымцы расейскіх самалётаў, іншую — ўзарвалі самі паўстанцы.
У суботу ж стала вядома, што пасьля некалькіх начэй масіраваных бамбаваньняў пазыцый паўстанцаў, якія кантралююць усходнюю частку Алепа, урадавыя войскі захапілі іх лягер Хандарат — за некалькі кілямэтраў ад гораду.
22 верасьня верныя рэжыму Башара Асада вайскоўцы абвясьцілі аб пачатку наступу на ўсход Алепа. Перамір’е, пра якое бакі дамовіліся пры пасярэдніцтве Расеі і ЗША, перастала дзейнічаць пасьля авіяўдару па аўтакалёне з гуманітарнай дапамогай, якая накіроўвалася ў Алепа. Амэрыканскія вайскоўцы абвінавацілі ў нападзе расейскі бок. Масква заявіла аб сваёй недатычнасьці.