Беларусь заняла 120-е месца ў рэйтынгу краін па ўзроўні ўстойлівага разьвіцьця.
Беларусь непасрэдна апярэджваюць Расея (119), Украіна (118), Сырыя (117) і Паўночная Карэя (116).
Усяго ў табліцы, апублікаванай часопісам The Lancet, 188 краінаў сьвету. Рэйтынг узначальваюць Ісьляндыя, Сынгапур і Швэцыя, а замыкаюць — Паўднёвы Судан, Самалі і Цэнтральнаафрыканская рэспубліка.
Рэйтынг разьлічваецца на падставе такіх паказьнікаў, як узроўні беднасьці і сьмяротнасьці ад розных прычынаў, стан прамысловасьці, доступ да чыстай вады і сацыяльная няроўнасьць.
