Лінкі ўнівэрсальнага доступу

Лукашэнка даручыў вычленіць пасады для непераабраных дэпутатаў


Кіраўнік Беларусі Аляксандар Лукашэнка падчас сустрэчы са старшынёй Палаты прадстаўнікоў Уладзімерам Андрэйчанкам зьвярнуў увагу на працаўладкаваньне цяперашніх дэпутатаў.

«Можа, будуць нейкія пажаданьні па працаўладкаваньні дэпутатаў, якія сыходзяць з парлямэнту, але не з палітычнага жыцьця. Паглядзіце, каб дэпутаты, якія сыходзяць з парлямэнту, былі запатрабаваныя ў жыцьці. Тыя, хто хоча яшчэ працаваць. Бо там жа ёсьць і „ўзроставыя“ людзі, якія, можа, ужо і ня будуць працаваць і ня хочуць працаваць далей. А ёсьць дэпутаты, якіх мы проста страціць ня можам. І я кіраўніку адміністрацыі сёньня даручыў, каб былі вычлененыя тыя пасады, якія ў нас вакантныя. І намі шэраг дэпутатаў будуць запатрабаваныя. Пра што мы з вамі і гаварылі».

Уладзімер Андрэйчанка сказаў, што работа па працаўладкаваньні дэпутатаў, якія сыходзяць, ужо праводзіцца. Засталіся непрацаўладкаванымі 28 дэпутатаў.

«На сёньняшні дзень разам з адміністрацыяй прэзыдэнта, урадам і губэрнатарамі мы ўжо вырашылі пытаньне ў дачыненьні да 21 дэпутата», — сказаў Андрэйчанка.

Паводле вынікаў мінулых выбараў, у Палату прадстаўнікоў пераабраныя 28 дэпутатаў. Зноў трапіў у Палату і Ўладзімер Андрэйчанка.

Лукашэнка і Андрэйчанка таксама абмеркавалі фармат плянаванай сустрэчы дэпутатаў Палаты прадстаўнікоў пятага і шостага скліканьняў. Плянуецца зварот кіраўніка Беларусі да новага складу.

«Будучым дэпутатам будзе цікава паслухаць, чым займаўся парлямэнт учора і чым будзе займацца заўтра. Гэта ж не прыйсьці пасядзець або прапусьціць сэсію — такая добрая і вольная праца. Гэта цяжкая праца», — цытуе БелТА Лукашэнку.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG