Лінкі ўнівэрсальнага доступу

Ужо сёньня, 19 верасьня: 25 гадоў таму бел-чырвона-белы сьцяг і «Пагоня» атрымалі статус дзяржаўных сымбаляў


Belarus -- USSR collapse. MP Halina Siamdzyanova making the national flag in parliament, 24Aug1991

Belarus -- USSR collapse. MP Halina Siamdzyanova making the national flag in parliament, 24Aug1991

Падзеі для ў Беларусі, сьвеце, гісторыі.

Афіша:

Менск — актывісты «Маладога Фронту» адзначаюць 25-годзьдзе наданьня «Пагоні» і бел-чырвона-беламу сьцягу статусу дзяржаўных сымбаляў акцыяй на Кастрычніцкай плошчы, пачатак а 19-ай.

Прага — чэская няўрадавая арганізацыя АМО (Асацыяцыя ў міжнародных справах) ладзіць дыскусію па выніках выбараў у Палату прадстаўнікоў у Беларусі. Зь беларускага боку (па Скайпе) удзельнічаюць каардынатар кампаніі «Праваабаронцы за свабодныя выбары» праваабарончага цэнтру «Вясна» і былы кандыдат у дэпутаты, грамадзкі актывіст з Магілёву Юры Стукалаў. Прага, Žitná 27, пачатак а 18-ай.

У гісторыі:

1794 — падчас паўстаньня 1794 году расейскія войскі разьбілі пад Берасьцем атрады Рэчы Паспалітай.

1888 — у Бэльгіі на курорце Спа прайшоў першы ў гісторыі конкурс прыгажосьці.

1939 — Чырвоная армія заняла Вільню.

1946 — выступ Уінстана Чэрчыля ў Цюрыхскім унівэрсытэце, які паслужыў пунктам адліку ў стварэньні Рады Эўропы.

1991 — Вярхоўны Савет Беларусі прыняў пастанову аб зьмене назвы Беларускай Савецкай Сацыялістычнай Рэспублікі на Рэспубліку Беларусь. Дзяржаўным гербам была зацьверджаная «Пагоня», а дзяржаўным сьцягам — бела-чырвона-белы сьцяг.

У гэты дзень нарадзіліся:

1797 — Януар Сухадольскі, беларускі мастак-баталіст.

1802 — Лаяш Кошут, вугорскі дзяржаўны дзяяч, рэвалюцыянэр, прэмʼер-міністар Вугоршчыны ў пэрыяд Вугорскай рэвалюцыі 1848-1849 гадоў.

У гэты дзень памерлі:

1938 — Браніслаў Туронак, беларускі нацыянальны дзяяч.

2004 — Мікола Купрэеў, беларускі паэт, пісьменьнік.

2004 — Рыгор Рэлес, беларускі габрэйскі пісьменьнік і паэт.

Цытата:

Вярхоўны Савет Беларускай Савецкай Сацыялістычнай Рэспублікі ПАСТАНАЎЛЯЕ: 1. Беларускую Савецкую Сацыялістычную Рэспубліку надалей называць «Рэспубліка Беларусь», а ў скарочаных і састаўных назвах — «Беларусь». Устанавіць, што гэтыя назвы трансьлітэруюцца на іншыя мовы ў адпаведнасьці з беларускім гучаньнем.

Закон Рэспублікі Беларусь, 19 Верасень 1991 № 1085-XІІ

Паказаць камэнтары

XS
SM
MD
LG