Пра гэта паведаміў на прэс-канфэрэнцыі губэрнатар штату Нью-Ёрк Эндру Куома.
«Няма ніякіх сьведчаньняў, што выбух неяк зьвязаны з міжнародным тэрарызмам, зь якой-небудзь міжнароднай тэрарыстычнай групоўкай» — сказаў ён.
Куома таксама дадаў, што пагрозы бясьпецы горада ў дадзены момант няма. Ён паведаміў, што ўсе 29 чалавек, якія пацярпелі падчас выбуху на Мангэтане, выпісаныя са шпіталя.
Другую прыладу выявілі непадалёк ад месца выбуху ў раёне Чэлсі і бясьпечна абясшкодзілі.
