Лінкі ўнівэрсальнага доступу

АБСЭ: у Данбасе застаецца неадведзенае цяжкае ўзбраеньне


Фрагмэнт мапы зоны баявых дзеяньняў на Данбасе паводле стану на 16 верасьня 2016 году

Фрагмэнт мапы зоны баявых дзеяньняў на Данбасе паводле стану на 16 верасьня 2016 году

Данбасе ў зоне канфлікту ўсё яшчэ застаецца шмат неадведзенага цяжкага ўзбраеньня, заявіў намесьнік кіраўніка назіральнай місіі АБСЭ Аляксандар Хуг.

Маюцца на ўвазе артылерыйскія устаноўкі, мінамёты і рэактыўныя сыстэмы залпавага агню, якія павінны быць адведзеныя згодна зь Менскімі дамоўленасьцямі. Паводле Хуга, неабходна павялічыць адлегласьць паміж пазыцыямі ўкраінскіх вайскоўцаў і сэпаратыстаў. Чарговы рэжым спыненьня агню ў Данбасе ўступіў у сілу 1 верасьня, аднак бакі канфлікту неаднаразова абвінавачвалі адзін аднаго ў яго парушэньні.

Канфлікт у Данбасе пачаўся вясной 2014 года пасьля расейскай анэксіі Крыму. Кіеў і краіны Захаду абвінавачваюць Расею ва ўзброенай падтрымцы сэпаратыстаў. Крэмль адрынае гэтыя абвінавачваньні. Па дадзеных ААН, з пачатку канфлікту ў Данбасе загінулі больш за 9600 чалавек.

XS
SM
MD
LG