Пра гэта інфармуе агенцтва Reuters.
15-гадовы юнак падтрымліваў кантакт з францускім джыхадыстам Рашыдам Касімам, які вярбуе непаўналетніх у экстрэмісцкую групоўку «Ісламская дзяржава» праз інтэрнэт. Паведамляецца, што падлетак зьвязаны з групай жанчын, якія рыхтавалі тэракт каля Эйфэлевай вежы. 10 верасьня паліцыя таксама затрымала 15-гадовага падлетка, які падазраецца ў сувязях з ісламістамі.
У Францыі зь лістапада мінулага году дзейнічае надзвычайнае становішча. За гэты час ісламісты зрабілі некалькі нападаў, ахвярамі якіх сталі дзясяткі чалавек. 11 верасьня прэм’ер-міністар Францыі Мануэль Вальс папярэдзіў аб рыхтаваных у краіне тэрактах. Ён адзначыў, што ўладам вядома як мінімум пра 15 тысячах радыкалаў, якія жывуць у Францыі.
