12 верасьня а 19-й гадзіне паводле менскага часу. Амэрыканскі тэлеканал CNN пацьвярджае, што ў першыя хвіліны пасьля пачатку перамір’я, яно, «па ўсёй бачнасьці», выконваецца.
Начальнік Галоўнага апэратыўнага ўпраўленьня Генэральнага штабу Ўзброеных сілаў Расеі генэрал Сяргей Рудской, заявіў журналістам у Маскве, што расейскі бок прыняла ўсе меры, неабходныя для маніторынгу выкананьня ўмоў перамір’я.
Расейскія Паветрана-касьмічныя сілы працягнуць «наносіць ўдары па цэлях тэрарыстаў на тэрыторыі Сырыі», сказаў Рудской. Ён таксама паведаміў, што Расея і ЗША ствараюць сумесны выканаўчы цэнтар для каардынацыі дзеяньняў пры нанясеньні авіяцыйных удараў.