Лінкі ўнівэрсальнага доступу

КНДР патрабуе прызнаць яе ядзернай дзяржавай


Выпрабаваньне паўночнакарэйскай балістычнай ракеты.

Выпрабаваньне паўночнакарэйскай балістычнай ракеты.

Паўночная Карэя запатрабавала ад ЗША прызнаць яе дзяржавай, якая валодае ядзернай зброяй. Вашынгтон, Сэул і Токіё рыхтуюць свае санкцыі супраць КНДР.

Улады Паўночнай Карэі запатрабавалі ад ЗША прызнаць КНДР ядзернай дзяржавай. Пра гэта ў нядзелю, 11 верасьня, заявіў прадстаўнік паўночнакарэйскага МЗС, якога цытуе дзяржаўнае інфармацыйнае агенцтва ЦТАК. Паводле яго, Барак Абама спрабуе ігнараваць пазыцыю КНДР як ядзернай дзяржавы. Гэта нагэтулькі ж недарэчна, як спрабаваць закрыць сонца далоньню, падкрэсьліў прадстаўнік ведамства.

Раней, 9 верасьня, Паўночная Карэя заявіла пра пасьпяховае выпрабаваньне ядзернай бомбы. Як паведаміла дзяржаўнае тэлебачаньне, цяпер ядзерная боегалоўка можа быць ўсталяваная на балістычную ракету. Краіна паабяцала і далей разьвіваць сваю ядзерную праграму.

У адказ Рада Бясьпекі ААН анансавала новыя санкцыі супраць Пхеньяну. Акрамя таго, 11 верасьня стала вядома, што ЗША, Японія і Паўднёвая Карэя гатовыя ў аднабаковым парадку прыняць дадатковыя захады ў дачыненьні да КНДР пасьля нядаўніх ядзерных выпрабаваньняў.

XS
SM
MD
LG