Лінкі ўнівэрсальнага доступу

logo-print

Яшчэ аднаго беларуса пазбавілі акрэдытацыі на Паралімпіядзе


Прадстаўнік паралімпійскай зборнай Беларусі Андрэй Фомачкін са сьцягам Расеі

Прадстаўнік паралімпійскай зборнай Беларусі Андрэй Фомачкін са сьцягам Расеі

Міжнародны паралімпійскі камітэт (МПК) пазбавіў акрэдытацыі яшчэ аднаго сябра беларускай дэлегацыі на Паралімпіядзе ў Рыё-дэ-Жанэйра. Яго імя не называецца. Удакладняецца толькі, што гэта адзін з кіраўнікоў зборнай.

Пра гэта паведамляе беларускае агенцтва БелТА са спасылкай на старшыню Паралімпійскага камітэту Беларусі Алега Шэпеля.

Напярэдадні быў пазбаўлены акрэдытацыі дырэктар беларускага цэнтру алімпійскай падрыхтоўкі па лёгкай атлетыцы Андрэй Фомачкін, які разгарнуў расейскі сьцяг на цырымоніі адкрыцьця Гульняў. Арганізатары Гульняў афіцыйна папярэдзілі беларускую каманду пра недапушчальнасьць правядзеньня палітычных акцыяў у ходзе Паралімпіяды.

У Паралімпійскім камітэце Беларусі заявілі, што гэта не было палітычнай акцыяй, а толькі выразам салідарнасьці з расейскімі спартсмэнамі, якія былі адхіленыя ад удзелу ў Паралімпіядзе з-за допінгавага скандалу.

Паказаць камэнтары

XS
SM
MD
LG