Абедзьве яны — дочкі ўладальніка аўтамабіля, які быў знойдзены каля сабору Нотр-Дам 4 верасьня. У машыне без нумароў былі некалькі газавых цыліндраў і бутэлек з гаручай вадкасьцю. Аднак ніякага дэтанатара не знайшлі.
Уладальнік быў затрыманы ўчора на некалькі гадзін, затым адпушчаны, хоць ён значыцца ў сьпісах падазраваных у распаўсюдзе ісламісцкіх ідэй.
Паліцэйская трывога была аб’яўленая пасьля таго, як ад контрвыведкі паступілі зьвесткі аб тым, што экстрэмісцкая групоўка «Ісламская дзяржава» можа выкарыстоўваць для тэрактаў у Парыжы замінаваныя аўтамабілі.
