Лінкі ўнівэрсальнага доступу

logo-print

На зямельных выбарах у Нямеччыне антыімігранцкая партыя абышла партыю Мэркель


У зямлі Мэкленбург-Пярэдняя Памэранія на паўночным усходзе Нямеччыны, дзе ў нядзелю праходзяць мясцовыя выбары, апытаньні выбарнікаў на выхадзе з участкаў паказваюць, што антыімігранцкая партыя «Альтэрнатыва для Нямеччыны» (AfD) апярэдзіла партыю Ангелы Мэркель ХДС, адсунуўшы яе на трэцяе месца.

Створаная тры гады таму AfD атрымала 21% галасоў, апынуўшыся на другім месцы пасля самай буйной у мясцовым зямельным сходзе левацэнтрысцкай Сацыял-дэмакратычнай партыі якая атрымала 30,5% галасоў.

Хрысціянска-дэмакратычнаму саюзу Мэркель дасталіся 19% галасоў.

Аглядальнікі ацэньваюць гэтыя выбары ў мясцовы заканадаўчы сход як вырашальную праверку перад правядзеньнем у 2017 годзе ўсеагульных выбараў.

Раней усе вядучыя палітычныя партыі Нямеччыны заяўлялі пра тое, што ня будуць фармаваць кааліцыю з партыяй AfD.

Аднак сур’ёзная электаральная падтрымка, якую атрымала AfD у Мэкленбургу-Пярэдняй Памэраніі, можа зьмяніць карціну і аслабіць пазыцыі цяперашняй канцлеркі, якая апынулася пад агнём крытыкі за сваю палітыку адчыненых дзьвярэй у дачыненні да мільёнаў уцекачоў.

Партыя AfD, якая першапачаткова выступала супраць адзінай Эўропы, прыцягнула да сябе электарат, расчараваны тым, як улады Нямеччыны спраўляюцца зь міграцыйным крызісам.

Паказаць камэнтары

XS
SM
MD
LG