Лінкі ўнівэрсальнага доступу

Упершыню зь ліпеня Трамп апярэдзіў Кілнтан па папулярнасьці


Кандыдат ад Рэспубліканскай партыі ЗША Дональд Трамп апярэдзіў на адзін працэнт сваю суперніцу ад Дэмакратычнай партыі Хілары Клінтан.

Пра гэта сьведчаць вынікі апытаньня грамадзкай думкі Reuters і дасьледчай кампаніі Іпсас, перадае ria.ru.

Паводле дасьледаваньня, якое праводзілася з 26 жніўня да 1 верасьня, 40% патэнцыйных выбарцаў аддалі свае галасы Трампу, 39% выказаліся ў падтрымку Клінтан. Пры гэтым 20% апытаных выказаліся супраць абаіх кандыдатаў.

Для параўнаньня, раней у жніўні папулярнасьць Клінтан была на 12% большай за Трампаву.

Reuters адзначае, што Трамп да апошняга часу толькі двойчы апярэджваў Клінтан у апытаньнях — у траўні і ліпені.

Апытаньне праводзілася праз інтэрнэт ва ўсіх 50 штатах ЗША, у ім прынялі ўдзел 1804 рэспандэнты.

Паказаць камэнтары

XS
SM
MD
LG