Афіша:
Сёньня адбудзецца чарговы, ужо трэці па ліку за час выбарчай кампаніі, суд над Вольгай Маёравай, кандыдатам у дэпутаты Палаты прадстаўнікоў Нацыянальнага сходу Беларусі па Ўсходняй выбарчай акрузе № 107. Судзяць яе за парушэньне правілаў правядзеньня масавых мерапрыемстваў. Месца правядзеньня — Суд Першамайскага раёну.
Дабрачынны канцэрт Зьмітра Вайцюшкевіча памяці Алеся Чаркашына — беларускага добраахвотніка, які загінуў падчас баявых дзеяньняў на Данбасе. Мерапрыемства пройдзе ў межах сустрэчы з выбаршчыкамі хрысьціянскай дэмакраткі Марыны Хоміч. Месца правядзеньня — Актавая заля СШ № 48 (вул. Тарханава, 14.). Пачатак у 17:30.
30 жніўня адзначаецца 25-я гадавіна сьмерці гарадзенскага ксяндза Міхала Арановіча, У часы савецкай улады кс. Міхал на працягу 30 гадоў быў адзіным каталіцкім сьвятаром у Горадні. А 18.00 на старых каталіцкіх могілках па вул.Антонава адбудзецца жалобнае набажэнства з удзелам Мітрапаліта Менска-Магілёўскага арцыбіскупа Тадэвуша Кандрусевіча.
У гісторыі:
Міжнародны дзень зьніклых.
У 1579 пасьля амаль месячнай аблогі маскоўскі гарнізон Полацку капітуляваў перад войскамі Рэчы Паспалітай на чале са Стэфанам Баторыям.
У 1871 нарадзіўся брытанскі фізык і хімік Эрнэст Рэзэрфорд, адкрывальнік пратону, ляўрэат Нобэлеўскай прэміі па хіміі 1908 (пам. 1937).
У 1919 утвораная Менская беларуская школьная рада.
У 1954 нарадзіўся Аляксандар Лукашэнка.
У 1975 нарадзілася беларуская велагоншчыца Натальля Цылінская, 8-разовая чэмпіёнка сьвету.
У 1991 абвешчана незалежнасьць Азэрбайджану.
У памяці:
1885 — памёр Юльян Корсак, беларускі паэт і перакладчык
1929 — памёр беларускі паэт Паўлюк Трус.
1940 — памёр брытанскі фізык Джозэф Томпсан, адкрывальнік электрону, ляўрэат Нобэлеўскай прэміі па фізыцы 1906 (нар. 1856).
2013 — Шэймас Хіні, ірляндзкі пісьменьнік, ляўрэат Нобэлеўскай прэміі па літаратуры.
Цытата:
«Нараджэньне будучага, пра якое мы марым — у падтрымцы, атрыманай адным перапалоханым чалавекам ад іншага. А не ў аўтаматнай чарзе, якая разрывае цішыню сэкундай пазьней».
Шэймас Хіні
