«Я думаю, што сёлета прыбудуць крыху менш за 300 тысяч чалавек», — сказаў ён, падае яго словы Бі-Бі-Сі.
Паводле яго, ведамства можа пасьпяхова справіцца з уладкаваньнем 250-300 тысяч імігрантаў. Гэты ўзровень чыноўнік назваў аптымальным.
«Калі прыбудзе больш, нам давядзецца працаваць пад ціскам. Мы ўвойдзем у крызісны рэжым», — заявіў Вайс.
Аднак цяжкі 2015 год не паўторыцца, мяркуе ён.
Летась у Нямеччыну прыбылі больш за мільён уцекачоў і імігрантаў, у асноўным з краін Блізкага Ўсходу, Афганістану і Афрыкі.
Паводле дадзеных міністэрства ўнутраных спраў Нямеччыны, за першыя шэсьць месяцаў сёлета па прытулак зьвярнуліся больш за 390 тысяч чалавек. Невядома, колькі зь іх прыехалі да 1 студзеня, і колькі пасьля.
Згодна з інфармацыяй Bild, цяпер разгляду чакаюць 530 тысяч заявак на атрыманьне прытулку ў Нямеччыне.
Паводле Вайса, працэс праходзіць вельмі цяжка. Ведамству даводзіцца ў некаторых выпадках весьці расьсьледаваньне, запытваючы інфармацыю ў іншых краінах і правяраючы, наколькі яна адпавядае рэчаіснасьці.
